El pasáu 10 d'avientu pesllábense los V Cursos d'Asturianu en Xixón nun actu presidíu por Xosé Antón González Riaño, vicepresidente de l'Academia de la Llingua Asturiana. Nel actu intervinieron tamién, amás de los alumnos, Inaciu Galán, presidente d'Iniciativa pol Asturianu, y Sabel Tuñón y Teno Prau, vocal de Voluntariáu y ayalgueru, respectivamente.
Escomencipia un añu que va ser movíu no político, con delles convocatories electorales que van decidir la configuración del poder nos nuesos conceyos, nel gobiernu del país y nel del estáu. Too apunta a ver que van producise cambeos importantes cola apaición de fuercies polítiques nueves y la reconfiguración del repartu de votos.
Si nun te llega al corréu, yá puedes lleer les noticies de payares y avientu nel nuesu boletín informativu dixital.
Xuan Fernández Bas foi alumnu de los V Cursos d'Asturianu en Xixón y nel actu d'entrega de diplomes y pieslle de los mesmos, dio llectura a esti testu de so nel que fala de la so esperiencia cola llingua asturiana.
Iniciativa pol Asturianu ta distribuyendo estos díes el so calendariu de bolsu pal añu 2015, un calendariu con diseñu "hispter" col lema "Naguamos por vivir n'asturianu", nel que se recueyen delles actividaes de la vida diaria y los oxetos que s'usen "un tren pa dir de viaxe", "una botella pa echar unos culinos", "una bici pa dir al trabayu" o "cuyar y tenedor pa dir a xintar", ente otres.
Iniciativa pol Asturianu, en collaboración col Conceyu Universitariu pol Asturianu (CUPA) abre’l plazu p’apuntase a la sesta edición de los Cursos d’Asturianu en Xixón, una esperiencia formativa qu’entama en collaboración cola Academia de la Llingua Asturiana y el Conseyu de Mocedá de Xixón. Les persones que nun puedan asistir por tar fuera d'Asturies o por razones d'otru tipu van poder siguir el cursu a distancia.
Per segundu añu consecutivu llegaba al Congresu de los Diputaos una propuesta que ñacía de la reclamación d'Iniciativa pol Asturianu, solicitar una partida pa nos Presupuestos Xenerales del Estáu pa l'Academia de la Llingua Asturiana. Un añu más, el votu en contra del Partíu Popular bloquió la so aprobación, llevada en forma d'allegaciones a los presupuestos presentaes por Foru Asturies ya Izquierda Xunida.
Oscar David ye un rapaz colombianu que llegó a Asturies en 2009. Esti añu matriculóse y superó'l primer nivel de los V Cursos d'Asturianu en Xixón, d'Iniciativa pol Asturianu y l'Academia de la Llingua Asturiana. Esti ye'l testu nel que cuenta la so esperiencia cola llingua asturiana.
Teno Prau, Ayalgueru d'Iniciativa pol Asturianu, foi l'encargáu de dicir unes pallabres en representación de la organización dientro del actu de pieslle de los V Cursos d'Asturianu en Xixón. Ufrimos agora'l so dicursu.
Iniciativa pol Asturianu fizo llegar a la Casa del Rei la so quexa porque'l xefe d'Estáu nun usare l’asturianu xunto al restu de les llingües del Estáu nel discursu de Navidá. Un fechu qu’Iniciativa pol Asturianu ve como una desilusión y “una nueva marxinación de la llingua asturiana frente al restu de llingües del Reinu per parte de la Casa Real y el Rei”, como yá denunció la organización en delles ocasiones nel pasáu, como cuando Casa Real estrenó páxina web con versión nes llingües oficiales, pero escaeciendo al asturianu, y amás tamién, al aragonés, la otra llingua non oficializada n’España.