Parte del equipu d'Alderiques d'Asturies ya Iniciativa pol Asturianu nes ondes tuvo nes aules de los VI Cursos d'Asturianu en Xixón pa esplicar el so proyectu y facer partícipes a los alumnos y alumnes de los cursos d'asturianu.
Si quies enterate de tola actividá d'Iniciativa pol Asturianu rápido y ensin echar munchu tiempu, puedes facelo nel Boletín informativu dixital de la organización. Nesti númberu #39 recuéyense les noticies del mes de febreru.
Iniciativa pol Asturianu nes ondes aporta con un nuevu programa. Nes ocasión entamamos col editorial de Xose B. Álvarez col títulu: "Asturies dende otru puntu vista".
Esti miércoles 4 de marzu representantes del Círculu de Derechos Llingüísticos de Podemos tuvieron nel llar d’Iniciativa pol Asturianu en Xixón nun conceyu convocáu polos miembros d’esti círculu de Podemos Asturies pa conocer les nueses propuestes al respective de la política llingüística, de cara a proponer delles d’eses propuestes a la so formación pa incluyiles nel programa electoral de les vinientes elecciones autonómiques.
El domingu 1 de marzu finaba Amadeu Ferreira, escritor, poeta y xurista de Miranda del Douru, una de les figures que más trabayó na defensa del mirandés, dende Iniciativa pol Asturianu queremos amosar el nuestru más fonderu pesar por esti murniu adiós.
Instalóse un puestu infomativu d'Iniciativa pol Asturianu na Plaza La Escandalera d'Uviéu con una 'Muria de les pallabres' na que se convidaba a los ciudadanos a compartir con nós les sos pallabres n'asturianu preferíes, regalándo-yos un llibru en llingua asturiana como forma d'afalar la llectura y la lliteratura asturiana. Cientos de persones compartieron les sos pallabres ya interesáronse pola situación del asturianu y el trabayu de la organización, a la que se sumaron dalgunos socios nuevos.
Los representantes d’Iniciativa pol Asturianu recalcaron la importancia de que les Mocedaes de la FSA-PSOE presionen pa que’l programa autonómicu de la so formación incluya la oficialidá.
Iniciativa pol Asturianu celebra'l Día Internacional de la Llingua Materna y failo con regalos pa les persones que vos faigáis socios d'Iniciativa pol Asturianu estos díes. Nun hai escusa, dende 20 euros al añu y agora amás... ¡con premiu! Los primeros en facese socios van recibir distintos regalos que van dir xubiéndose a les redes sociales. En cuantes qu'haya ganadores va xubise'l siguiente premiu y asina a lo llargo de los próximos 10 díes.
Iniciativa pol Asturianu nes ondes va emitir nos vinientes siete díes, del 20 al 27 febreru, un programa con David Fernández, encargáu del trabayu de Termast (Terminoloxía n'asturianu) alrodiu'l mundu'l fútbol espublizáu nos pasaos meses col qu'afondamos na xera fecha.
El sábadu 28 de febreru Iniciativa pol Asturianu va entamar dellos actos d'homenaxe a la lliteratura asturiana n'Uviéu y coincidiendo con dellos aniversarios. A les 11 hores nel Cementeriu San Salvador d'Uviéu, va celebrase un Homenaxe al clásicu de les Lletres Asturianes, l'escritor Xuan María Acebal, nel 200 aniversariu del so nacimientu. Nel actu lleeránse poemes del autor y diránse unes pallabres alredor de la so figura, xunto al llugar onde descansen los sos restos, no que quier ser un homenaxe a la lliteratura asturiana.