"Nueche de pallabra" ye un actu organizáu pol Club Popular de Cultura "Llaranes" nel marcu les actividaes la Nueche Blanca d'Avilés. Entamará cola presentación del número 14 de la revista lliteraria "Formientu" y cunta cola collaboración d'Iniciativa pol Asturianu, amás de cola presencia de dellos escritores.
Este sábado os alumnos ya alumnas del curso de gallego-asturiano qu'organizóu Iniciativa pol Asturianu en colaboración cua Academia de la Llingua Asturiana n'Ibias recoyerán os sous diplomas ya van celebrar a bua acoyida del curso cua festa na que van compartir os trabayos de fin de curso.
La Compañía Asturiana de Comedies, el grupu teatral con más años al llombu, celebra los cien años del xéneru conocíu como teatru costumista asturianu o teatru asturianu y de la so propia actividá nesti ámbitu, con una esposición na que collabora Iniciativa pol Asturianu. La esposición, asina como'l programa d'actividaes ye billingüe n'asturianu y castellán.
El sábadu pasáu Iniciativa pol Asturianu organizó en Xixón una charra na que se presentó énte organizaciones de la sociedá civil asturiana el procesu de redacción del Protocolu pa la Garantía de los Drechos Llingüísticos que va arpobase, un documentu internacional que quier ser una continuación de la Declaración Universal de los Drechos Llingüísticos aprobada va agora venti años.
Dientro del marcu de la Capitalidá Europea de la Cultura, Donostia 2016, va redactase y proclamase un Protocolu pa la Garantía de los Drechos Llingüísticos, coincidiendo col 20 aniversariu de la Declaración Universal de los Drechos Llingüísticos. Pa ello, ta faciéndose una rolda de contactos, que tien n'Asturies y pa tol dominiu llingüísticu a Iniciativa pol Asturianu como entidá representante y organizadora, pola nuesa pertenencia a la organización europea ELEN (Rede Europea d'Igualdá Llingüística)
Samuel Gradín, director d’Alderiques d’Asturies ya Inaciu Galán, presidente d’Iniciativa pol Asturianu, foron entrevistaos nel prorgama matinal “Las Mañanas con MuyMuyTV” que presenten Osmar Sánchez y Sonia Pardo en MuyMuyTV, con motivu de la Selmana de les Lletres Asturianes.
Nel programa d'esti mes cuntamos con dos convidaos, la escritora Pilar Arnaldo que mos falará del so llibru "Nel riu la fame" y col actor Antón Caamaño que ye'l primer Doctoráu n'Artes Escéniques d'Asturies con una tesis presentada n'asturianu na Universidá de Vigo.
El vienres 6 de mayu salimos otra vegada a la cai pa reclamar la oficialidá del asturianu. La primer gran manifestación pol asturianu tuvo llugar un 22 de xunu de 1976 en Xixón, embaxo’l lema “Autonomía rexonal. Bable nes escueles”. Cuarenta años más tarde, l’asturianu ta nes escueles de forma precaria, l’autonomía nun foi la ferramienta que s’esperaba pa salvaguardar ya impulsar hacia’l futuru a la nuesa llingua y la nuesa cultura. Pero ye innegable, diéronse pasos, anque toos ellos nun llegaron de baldre o por iniciativa propia de les instituciones, sinón gracies a la reivindicación, la movilización y la presión ciudadana a los nuesos dirixentes.
4.000 persones, según datos de la Policía, percorrieron les cais d’Uviéu nel Día de les Lletres Asturianes pa reclamar la oficialidá del asturianu. Miembros y simpatizantes d’Iniciativa pol Asturianu particiaron cola so pancarta na Manifestación pola #Oficialidá amosando en pancartines de mano los diez puntos del so Decálogu de Drechos Llingüísticos presentaos nes redes sociales los meses previos a la manifestación.
Iniciativa pol Asturianu entama los díes 16 y 30 d'esti mes de mayu, y con idea de continuidá, un Club de Llectura n'asturianu, col llibru "La vuelta al mundo n'ochenta díes" de Julio Verne (Torna de Xesús González Rato). L'oxetivu ye ameyorar los conocimientos d'asturianu asina como encamentar a los participantes a lleer llibros na nuesa llingua.