Nel programa d'esti mes cuntamos con dos convidaos, la escritora Pilar Arnaldo que mos falará del so llibru "Nel riu la fame" y col actor Antón Caamaño que ye'l primer Doctoráu n'Artes Escéniques d'Asturies con una tesis presentada n'asturianu na Universidá de Vigo.
El vienres 6 de mayu salimos otra vegada a la cai pa reclamar la oficialidá del asturianu. La primer gran manifestación pol asturianu tuvo llugar un 22 de xunu de 1976 en Xixón, embaxo’l lema “Autonomía rexonal. Bable nes escueles”. Cuarenta años más tarde, l’asturianu ta nes escueles de forma precaria, l’autonomía nun foi la ferramienta que s’esperaba pa salvaguardar ya impulsar hacia’l futuru a la nuesa llingua y la nuesa cultura. Pero ye innegable, diéronse pasos, anque toos ellos nun llegaron de baldre o por iniciativa propia de les instituciones, sinón gracies a la reivindicación, la movilización y la presión ciudadana a los nuesos dirixentes.
4.000 persones, según datos de la Policía, percorrieron les cais d’Uviéu nel Día de les Lletres Asturianes pa reclamar la oficialidá del asturianu. Miembros y simpatizantes d’Iniciativa pol Asturianu particiaron cola so pancarta na Manifestación pola #Oficialidá amosando en pancartines de mano los diez puntos del so Decálogu de Drechos Llingüísticos presentaos nes redes sociales los meses previos a la manifestación.
Iniciativa pol Asturianu entama los díes 16 y 30 d'esti mes de mayu, y con idea de continuidá, un Club de Llectura n'asturianu, col llibru "La vuelta al mundo n'ochenta díes" de Julio Verne (Torna de Xesús González Rato). L'oxetivu ye ameyorar los conocimientos d'asturianu asina como encamentar a los participantes a lleer llibros na nuesa llingua.
La estaya mensual d'Iniciativa pol Asturianu na revista Fusión Asturias yá ta nos quioscos. Este presencia respuende a la política d'Iniciativa pol Asturianu de difundir de la meyor manera posible la situación del asturianu y el trabayu de la organización.
Iniciativa pol Asturianu va dar esti sábadu 14 una charra pa los alumnos y alumnes del cursu de monologuistes de Carlos Alba 'Cellero' en Xixón. Una charra curtia na que va concienciase de la importancia de caltener la tradición, tamién no llingüístico dientro d'esti xéneru teatral, asina como la importancia d'actualizar los testos vieyos y da-y diginidá al idioma sobre l'escenariu.
El Día de les Lletres Asturianes organizaciones como Iniciativa pol Asturianu y particulares dende les sos cuentes en Twitter, llanzáronse a la rede na reivindiación de la #oficialidá Dempués d'unos mui bonos datos del añu pasáu, la estaya de redes sociales d'Iniciativa pol Asturianu publicó estos díes un informe nel que s'amuesa como hebo 3,4 millones de vistes de los tuis con #Oficialidá llegando a 944.406 persones, 200.000 más que nel mesmu día del añu 2015.
Hasta'l momentu, la iniciativa arrexuntó más de 70 bones práctiques, d'un total de 12 países y 24 llingües, ente les que tán los proyectos audiovisuales d'Iniciativa pol Asturianu, asina como, tamién dende Asturies, el proyectu "La escolina" de formación n'asturianu pa neños de Reciella. Families pol asturianu.
Iniciativa pol Asturianu va participar esti vienres 6 de mayu cola so pancarta na Manifestación pola #Oficialidá. La organización fai un llamáu a los asturianos y asturianes pa que vuelvan a salir a la cai pa reivindicar la reconocencia del estatus llegal d'oficialidá pal idioma nel Día de les Lletres Asturianes. Cada vegada son más les persones que se sumen a esta reivindicación xusta y que pide la reconocencia de los drechos civiles de tolos ciudadanos.
Dende 1989, l’Ayuntamientu de Xixón tomó’l determín de sofitar el Premiu Café Gijón de novela, patrocinándolu nesta edición de 2016 con un premiu de 20.000 euros, especificando nes bases que namás pueden presentase obres en llingua castellana.