La Xunta Direutiva escueye’l sábadu 23 de febreru pa facer la Xunta Xeneral de Socios 2013

L'aconceyamientu de la Xunta Direutiva del pasáu sábadu 2 de febreru de 2013, celebráu nel Centru Social de Pumarín, n'Uviéu, decició que la celebración de la Xunta Xeneral de socios va facese'l próximu sábadu 23 de febreru, de 17 a 20 hores nel Auditoriu Príncipe d'Asturies d'Uviéu.

Dende la directiva recordóse que "ye mui importante la participación de los asociaos nesti conceyu añal", onde se tomen les decisiones más importantes pa la organización y onde se marcará la fueya de ruta de trabayu pal añu 2013, ente otres cuestiones.

Darréu d'esta Xunta Xeneral celebraráse una espicha con socios, simpatizantes, etc. de la que se van detalles pronto, animándovos a convidar a amigos y familiares a participar d'esti eventu, que va aprovechase pal espardimientu de los asociaos y simpatizantes de la organización, asina como pa presentar dalgunes campañes venceyaes al mundu empresarial.

Na Xunta Direutiva del sábadu pasáu tomáronse otres decisiones venceyaes a l'actividá diaria de la organización, asina como la puesta en marcha de delles campañes. Tola información, recoyida na acta del aconceyamientu, apúrrese a los asociaos al traviés de corréu lletrónicu.