Izquierda Xunida y Foru confirmaron yá la presentación de dos enmiendes al presupuestu del estáu por una partida pa l'ALLA, que busca la igualdá al respective d'otres academies de llingües, como la española, vasca, catalana o gallega. El PSOE, al traviés del diputáu asturianu Antonio Trevín, anunció'l so votu a favor d'estes propuestes, pero'l PP sigue ensin responder a esti llamáu d'Iniciativa pol Asturianu.
Iniciativa pol Asturianu vien proponiendo dende 2013 a los grupos políticos con representación por Asturies nel Congresu la presentación d’enmiedes d'esti tipu a los Presupuestos Xenerales. La propuesta cuntó con un gran alcuerdu nel parllamentu nos últimos dos años, colos votos favorables de tolos grupos, menos el PP y UPyD.
Los diputaos represenantes d'Asturies nel Congresu formen parte del PP, PSOE, Izquierda Xunida y Foro Asturies.
Presupuestos Xenerales del Estáu 2015 |
|
Real Academia Española |
1.618.910 € |
Institut d'Estudis Catalans |
273.070 € |
Real Academia Galega |
273.070 € |
Academia de la Lengua Vasca (Euskaltzaindia) |
143.180 € |
Asociación de Academias de la Lengua Española |
74.560 € |
Academia de la Llingua Asturiana |
0 € |