Como cada añu por estes feches, Iniciativa pol Asturianu pon en marcha una edición nueva del seminariu Oficialidá, el camín constitucional de futuru pal asturianu.
L’alcuentru va desendolcase los díes 4 y 5 d’abril nel Edificiu Históricu de la Universidá d’Uviéu col sotítulu ‘Un mundu enllenu de llingües: cómo combatir la discriminación llingüística’. Nesta ocasión, queremos visibilizar les dificultaes qu’atopen diferentes persones y distintos ámbitos al utilizar la llingua propia. Les inscripciones yá tan abiertes.
Durante los dos díes que va durar esti foru, vamos poder sentir falar a dellos espertos en meses redondes, conferencies y charres. Tamién vamos facer alcordanza y homenaxe a toles persones que sofrieron discriminación por falar asturianu. Nel programa, que bien llueu vamos detallavos, fadremos estrena d’un documental que tamos preparando pa reflexonar sobre la presencia de la llingua asturiana nes escueles y los retos a los que s’enfrenta l’asignatura.
