Iniciativa pol Asturianu ufre per segundu añu una charra informativa nes actividaes d'Ixuxú Asturies-Euskal Herria Elkartea, un dossier nel que s'ufren estremaes propuestes culturales y sociales que venceyen al País Vascu y Asturies, col envís de que centros culturales vascos puedan contratales.

 

El "Dossier 2014 Txostena" axunta 17 grupos, 9 proyecciones y 18 charres pa intentar que se programen n'infraestructures socioculturales vasques. Pue solicitase más información nel corréu lletrónicu ixuxuelkartea@gmail.com y nel teléfonu +34 645 137 125.

 

Un total de 32 páxines que busquen amenorgar les carencies que tien la música asturiana pa salir fuera de les sos llendes, visibilizar Asturies ante’l país vecín y captar l’interés d’árees municipales de Cultura, festivales, gaztetxes, comisiones de fiestes, asociaciones, centros asturianos… pa que contraten dalgunes de les propuestes del dossier y les incluyan dientro de la so programación sociocultural.

 

Iniciativa pol Asturianu ufre la posibilidá de dar a conocer la realidá llingüística d'Asturies con una charra titulada  "Asturianu y euskera: asemeyos y diferencies nel procesude normalización", onde se fai comparanza de la situación de la llingua asturiana, estudiando cómo'l diferente estatus de la llingua asturiana, que nun ye oficial frente al euskera que sí lo ye, condicionó'l desenrrollu del idioma nestos últimos cuarenta años.

 

Descargar el Dossier 2014