Esti sábadu 19 d'ochobre celébrase nel Auditoriu d'Uviéu'l Congresu de Cultura Asturiana Mozo, un conceyu de xente del ámbitu de la cultura de menos  de 35 años. El Congresu tien como oxetivos proyectar a la sociedá asturiana la idea de que hai muncha xente creando y trabayando nel mundu de la cultura asturiana y facer visible esa realidá, que, n’últimu términu, xenera empléu y riqueza.

Dientro d'esti oxetivu Iniciativa pol Asturianu collabora coles sos aportaciones a la ponencia dedicada a organizaciones de reivindicación llingüística y difusión cultural, que coordina Inaciu Galán, presidente de la organización, anque cuntando cola collaboración de toes aquelles organizaciones y persones venceyaes a estos ámbitos que quixeron apurrir les sos aportaciones.

El Congresu de Cultura Asturiana Mozo va entamar a les 11 de la mañana, anque les acreitaciones entamen a repartise media hora enantes. A les 12:45 sedrá la conferencia dedicada a asociacionismu, na que participa Iniciativa pol Asturianu.

 

Programa completu na páxina del Congresu

Inaciu Galán fala del Congresu na RPA