El 30 setiembre, Día Internacional de los Traductores, la seición de Rellaciones Internacionales d’Iniciativa pol Asturianu (IPA) tuvo noticia d’un proyeutu nomáu ‘Skype Mini’, una iniciativa entamada pa tornar les 234 pallabres básiques del software de comunicaciones (VoIP) Skype a tantes llingües como fuere posible.
Tres contautar colos responsables d’esti proyeuto, el nuestru departamentu de Rellaciones Internacionales trabayó tola selmana na torna non solo de la versión Skype Mini de 234 pallabres, sinon de les 15.693 pallabres que componen la versión Windows de Skype dafechu. Agora, tres delles sesiones de preba, tamos argullosos d’anunciar que la llingua asturiana pue ser definitivamente usada en Skype na so versión pa Windows.
Sigui estos pasos pa instalar l’asturianu nel to Skype:
2. Calca “Asturianu.lang”
3. El ficheru guardarásete automáticamente o, si apaez una ventana entrugando pa guardalo, pues facelo en cualesquier llugar del to ordenador (non nun direutoriu temporal). Recomendámoste que lo guardes nel direutoriu propiu de Skype nel to discu duru
4. Anicia Skype
5. Ya sía enantes o dempués d’aniciar sesión, ve a “Herramientas/Cambiar idioma/Cargar Archivo de Idioma Skype"
6. Ve al direutoriu onde guardaste l’archivu “Asturianu.lang” y cárgalo.
7. ¡Esfruta de Skype n’asturianu!
