El presidente d'Iniciativa pol Asturianu, Inaciu Galán, representó a la entidá na gala de pieslle de la 22 edición d'Abierto hasta el amanecer, programa d'ociu xuvenil qu'esti añu incluyó un concursu lliterariu nel que collaboró Iniciativa pol Asturianu. A lo llargo de la so intervención animó a la entidá xuvenil a promover l'usu del asturianu na so actividá.
Dende Iniciativa pol Asturianu felicitóse a Abierto hasta el amanecer pol so llabor cola mocedá de Xixón, na qu'esti añu entamó a collaborar Ia organizació na organización del concursu lliterariu ¿Qué cuentes?, echando un gabitu cola convocatoria de la categoría de llingua asturiana.
Galán espresó qu'esperaba qu’esta iniciativa tenga continuidá en futures ediciones y plantegó qu’esti seya namás “el comienzu d’una gran amistá” y que les dos entidaes puedan collaborar nel espardimientu del idioma. "Y ye que, como entidá en contactu continuáu cola mocedá, podéis tener un papel bien importante na normalización y la difusión del asturianu ente les nueves xeneraciones", recordó'l presidente d'Iniciativa pol Asturianu, que tamién quixo ufrir de nuevo la collaboración "pa trabayar n’andecha pa da-y visibilidá a esta llingua que tanto precisa d’espacios onde espoxigar".
El presidente d'Abierto hasta el amanecerm Pablo Yáñez, entregó una detalle a Iniciativa pol Asturianu en reconocimientu pola so collaboración con esta edición del programa d'ociu xuvenil de Xixón.
