Yolanda Huergo dedicó la so vida a la defensa de la llingua asturiana nel mundu de la cultura y de la política
En tolos ámbitos nos que taba presente defendía la oficialidá con bones pallabres y cola sonrisa
XIXÓN, 6/08/2020. Iniciativa pol Asturianu llamenta’l fallecimientu de Yolanda Huergo, conceyala de Xixón. La organización quier destacar que “Yolanda Huergo dedicó la so vida a la defensa de la llingua asturiana nel mundu de la cultura y de la política. En tolos llugares nos que tenía voz facia usu del asturianu”.
Iniciativa pol Asturianu recuerda que na anterior llexislatura yá participaba activamente nel Conseyu Asesor de la Llingua Asturiana y nesta corporación tuvo un papel importante yá que s’animaba a usar l’asturianu nos plenos pa defender una montonera de mociones que nun taben solo relacionaes cola llingua asturiana.
Dende la entidá apuntaron amás que “en tolos ámbitos nos que taba presente defendía la oficialidá con bones pallabres y cola so sonrisa”.
Iniciativa pol Asturianu agradez esta gran llabor en defensa del idioma y esi enfotu en facelo siempres dende la simpatía.
Sienti equí les declaraciones d’Inaciu Galán, vocal de relaciones institucionales d’Iniciativa pol Asturianu
