XIXÓN, 20/05/2021. Iniciativa pol Asturianu espresa’l so pesar pola muerte del escritor Xosé Bolado. La entidá quier reconocer el so compromisu llingüísticu col idioma qu’aplicó en toles xeres nes que tuvo relevancia y representación.
L’escritor, miembru de l’ALLA, sociu y collaborador d’Iniciativa pol Asturianu dexa un gran trabayu fechu nel so idioma, l’asturianu, que queremos reconocer y agradecer. Foi un colaborador dende los entamos de la nuesa organización y un entusiasta del idioma que con amabilidá y simpatía siempres defendió.
Por esa colaboración constante con nós, col idioma y la so lliteratura queremos treslladar el nuesu pesar pola so perda.
