Iniciativa pol Asturianu axunta a los asociaos esti sábadu 23 de febreru de 2013, pa celebrar la primer Xunta Xeneral añal de la organización. Esti muérganu ye'l que tien les máximes competencies ente Congresos, que se faen cada trés años, y nél van discutise y votase dalgunes propuestes d'importancia, asina como les llinies de trabayu pal añu viniente. L'actu va celebrase a partir de les 17 hores y hasta les 20, nuna sala del Auditoriu Príncipe d'Asturies d'Uviéu, que ta plaza la Xesta.
Na Xunta Xeneral pueden participar tolos asociaos, collaboradores de la organización y persones interesaes en sumar el so sofitu, cuntando con votu los socios miembru de la organización. Pueden presentase propuestes de trabayu, asina como suxerencies y otres iniciatives.
Na Xunta Xeneral la direutiva de la organización va presentar l'Informe de Xestión 2012, onde dará cuenta de l'actividá d'Iniciativa pol Asturianu, les cuentes y demás cuestiones qu'afecten a l'asociación. Amás, propondráse y discutiráse una fueya de ruta col llabor pa los vinientes doce meses, col envís d'organizar el llabor de la organización.
ESPICHA
Dempués de los actos, hacia les 21:30 hores, celebráse una espicha na Sidrería La Pumarada, asitiada na cai Gascona, el bulevar de la sidra d'Uviéu. Sedrá de magar les 21:30 hores. P'apuntase a la mesma han ingresase 18 euros na cuenta de la organización, nel Bancu Herrero 0081-5657-41-0001063111, conseñando'l nome del inscritu, y dando avisu darréu al corréu contautu@s806295988.mialojamiento.es
La espicha inclúi: Tortielles de pataca, chorizos a la sidra, croquetes de xamón, picadiellu con pataques, calamares a la romana, llacón con cachelos, pan y postres asturianos de la casa. Amás, con sidra, cerveza, vinu y agua incluyíos.
Habrá música del país.
