Iniciativa pol Asturianu abrió’l plazu de matriculación p’apuntase a los nuevos cursos de llingua asturiana (nivel básicu 1 y nivel básicu 2) de branu que van facese pola vía a distancia, al traviés d’una plataforma dixital.
Los cursos van tener una duración de 36 hores llectives y van entamar el miércoles 15 de xunu y acabaríen alredor de finales de xunetu.
El nivel inicial ta empobináu a persones ensin conocimientos d’asturianu o con nivel baxu de conocencia ya inclúi, pa les persones que lu superen, un diploma de l’Academia de la Llingua Asturiana.
El nivel II ta empobináu a persones con una conocencia más fonda del idioma, que yá ficieren el primer nivel o la prueba de conocencia de la propia Academia de la Llingua Asturiana.
El preciu de la inscripción ye de 60,00 € (50,00 € pa les persones asociaes d’Iniciativa pol Asturianu).
Les inscripciones pal cursu pueden facese nesti formulariu, onde tamién s’alcuentren toles condiciones pal mesmu. El plazu d’inscripción acaba’l 13 de xunu.
