XIXÓN, 07/08/2021. Iniciativa pol Asturianu ta acabante de nomar a Eva Cameán Embaxadora de la Llingua Asturiana. L’actu d’entrega d’esti reconocimientu tuvo llugar el sábadu en Carballo (Galicia). Con esta distinción, la organización quier reconocer el so llabor pa la difusión del asturianu y de la reivindicación de la oficialidá nos años caberos. Na entrega, Cameán amosó’l so fondu agradecimientu: “Foi un día mui especial. Diéronme la sorpresa del añu. Esto apúrrime tola fuercia y ciñu del mundiu”.

Eva Cameán (Carballo, 1994) ye collaboradora del diariu ‘Nós’ y rexenta la llibrería Clarión, en Carballo. Deprendió asturianu y fala y escribe con soltura l’idioma. Dende va años xestiona’l blogue y redes sociales de ‘Clarión, llibros y xuegos’, nel que fai reseñes de llibros n’asturianu, entrevistes a escritores y otres cuestiones venceyaes cola lliteratura asturiana. Amás, collaboró  cola revista ‘Formientu’ y presenta l’espaciu ‘Restolando llibros’ na plataforma ‘PlayPresta’. Na so llibrería tien el compromisu de tener una sección con llibros n’asturianu a la venta, asina como un lletreru nel escaparate nel que reivindica la oficilidá del  idioma.

Inaciu Galán, vocal de relaciones internaciones de Iniciativa pol Asturianu, anunció e hizo entrega del título de “Embaxadora de la Llingua Asturiana” a Eva Cameán Pensado reconociendo la labor realizado por Eva Cameán para la difusión del asturiano y de la reivindicación de la oficialidad en los últimos años.

Iniciativa pol Asturianu acuta esta distinción honorífica d’Embaxador/a de la Llingua Asturiana pa les persones que, nun siendo asturianes o de territorios del dominiu asturllionés, tienen una trayectoria importante como activistes en defensa de la llingua asturiana en distintos ámbitos, lo qu’ensin dulda cumple Cameán.