L’informe vien avaláu por filólogos profesores en diez universidaes de países como Xapón o Portugal

MADRID 05/06/2012. El presidente d'Iniciativa pol Asturianu, Inaciu Galán, tuvo esti llunes na sede de la Real Academia Española (RAE), na cai Felipe IV de Madrid presentando en mano énte la RAE l’informe tituláu “Definir el términu “asturianu” con xeitu. Informe sobre la presencia del vocablu “asturianu” y otros términos nos diccionarios normativos d’otres llingües”. Alredor de les doce la mañana Galán presentó una copia d’esti informe y del llistáu d’avales que lu sofiten nes oficines de l'Academia. Nel mesmu pídese a la Real Academia Española que’l términu “asturianu” dexe de referise a “dialecto”, pa responder a la realidá ciéntifica y llegal, que dexa a les clares que l’asturianu ye un idioma.

 

La carta qu’acompañaba esti informe ta empobinada al Presidente de la RAE y n’ella, Iniciativa pol Asturianu solicita a la RAE que respuenda a la realidá sociollingüística d’Asturies.

 

Avalen esti informe un llistáu de profesores, que sigue creciendo, y qu’inclúi a más de 10 universidaes de países como Xapón o Portugal, a l’actual decana de la Facultá de Filosofía y Lletres de la Universidá d’Uviéu y a caderalgos y profesores.

 

La noticia ta teniendo una improtante repercursión nos medios de comunicación. A lo llargo de la xornada la noticia recoyóse n'informaciones y entrevistes en Onda Cero, Radio Asturias-SER, RNE, RPA, amás de medios escritos, ente los qu'axuntamos dellos exemplos:

Informativu TPA

El Comercio

Europa Press

Les Noticies

Asturies.com

Asturnews

Qué ye ho!