Per segundu añu consecutivu llegaba al Congresu de los Diputaos una propuesta que ñacía de la reclamación d'Iniciativa pol Asturianu, solicitar una partida pa nos Presupuestos Xenerales del Estáu pa l'Academia de la Llingua Asturiana. Un añu más, el votu en contra del Partíu Popular bloquió la so aprobación, llevada en forma d'allegaciones a los presupuestos presentaes por Foru Asturies ya Izquierda Xunida.
La partida pretendía equiparar la financiación estatal a l'Academia de la Llingua Asturiana, anguaño inesistente, cola de les demás academies de llingües del Estáu, gallega, vasca y catalana, amás de la RAE, que tien el mayor presupuestu, con gran diferencia.
Dende Iniciativa pol Asturianu felicitamos a les fuercies polítiques que votaron a favor y esperamos siguir alantre con esta iniciativa pal próximu presupuestu, esperando que nueves artimétiques parllamentaries permitan aprobar esta enmieda a los Presupuestos, que paezmos, ye de xusticia.
