La Xunta Direutiva d'Iniciativa pol Asturianu va aconceyar esti vienres en Xixón de forma ordinaria. Nel conceyu trataránse asuntos de la organización, talos como'l calendariu d'actividaes o la xestión de distintes campañes y estayes de la mesma. L'orde del día llegará a los socios per corréu lletrónicu.
Como siempres, l'aconceyamientu ta abiertu a tolos asociaos de la organización, que pueden participar y que tendrán un tiempu pa facer les sos propuestes y suxerencies.
L'aconceyamientu va celebrase esti vienres 12 d'abril de 2013 a partir de les 8 la tarde nel llocal del Conseyu de Mocedá de Xixón asitiáu nel númberu 62 de l'Avenida Manuel Llaneza (nun ye'l llocal principal del CMX, sinón unu auxiliar un poco más abaxo, na mesma avenida que'l principal)
