Esti vienres 10 d’avientu, Iniciativa pol Asturianu y l’Asociación de Vecinos Evaristo San Miguel entamen un actu conxuntamente baxo’l títulu ‘Faciendo barriu’.
Ye una xornada con varies actividaes pa toles edaes. Va entamar a les 17:00 hores con un cuentacuentos pa la reciella musicalizáu. A les 19:00 hores va facese un alcuentru con Xosé Ambás nel que se va falar de la música n’asturianu y la so trayectoria. P’acabar, va facese una folixa abierta na que los y les participantes pueden llevar los sos propios instrumentos p’actuar.
L’actu va facese nel llar de l’Asociación de Vecinos Evaristo San Miguel (cai Puertu Pontón, 3, 33207, Xixón).
