La organización tresllada una montonera de problemes y esixencies rellacionaes cola asignatura nes etapes de Primaria, Secundaria y Bachilleratu
Iniciativa pol Asturianu entregó esti informe a los equipos de trabayu de la Conseyería de Cultura, d’Educación y a la Dirección Xeneral de Política Llingüística
XIXÓN, 5/10/2020. Iniciativa pol Asturianu presenta l’informe coles conclusiones del alcuentru con docentes. Esti conceyu telemáticu valió a la organización p’averase d’una manera más directa los problemes qu’atopen los docentes de l’asignatura de Llingua Asturiana nes diferentes etapes educatives.
Nel mesmu informe, onde apaecen problemes de calter xeneral y concretos de dalgunos centros; la organización tresllada una montonera de problemes y esixencies rellacionaes cola asignatura nes etapes de Primaria, Secundaria y Bachilleratu. Dende la meyora de les campañes de matriculación na asignatura, los problemes cola matriculación o les torgues pa poder estudiar de manera llibre l’idioma.
Iniciativa pol Asturianu entregó esti informe a los equipos de trabayu de la Conseyería de Cultura, d’Educación y a la Dirección Xeneral de Política Llingüística col enfotu d’iguar d’una manera definitiva tantes dificultades pa los y les docentes, asina como pal desarrollu normal del so trabayu y aprendizaxe de la llingua asturiana.
La entidá quier amosar públicamente l’agradecimientu a tantes persones que s’interesaron por esta convocatoria, collaboraron nella y trabayaron pa consiguir facer esti trabayu.
Llee equí l’informe completu coles problemátiques de los docententes:
