L'asociación musicocultural Pepe Bocanegra de Valles (Piloña) cunta yá con versión n'asturianu del so blogue informativu, onde reseñen los sos eventos. La idea surdió d'un miembru de la xunta directiva de l'asociación y cunta col sofitu d'un miembru d'Iniciativa pol Asturianu nesti conceyu del oriente pal asesoramientu llingüísticu.

 

El blog de l'asociación cunta agora, na cabeza y al cabu de cada entrada, unes lletres llamatives que ponen "lleelo n'asturianu" y que manden a otru blogue dafechu n'asturianu.

 

Iniciativa pol Asturianu felicitó a la organización al traviés d'una carta, esperando siguir collaborando con esta y otres entidaes pa siguir esperdiendo l'asturianu en toles estayes de la vida social.

Blogue n'asturianu de l'asociación

Artículos venceyaosMás del autor