El primer partíu n'asturianu n'Iniciativa pol Asturianu nes ondes

Espublizao 08/01/17

Nel programa d'esti mes de xineru de 2017 entamamos faciendo, como ye vezu, un repás a les noticies y anuncies que se producieron nes pasaes feches col nuesu collaborador, el periodista y Presidente d'Iniciativa pol Asturianu, Inaciu Galán.

El nuesu segundu convidáu ye'l nuesu compañeru de la RPA (Radio Pública d'Asturies), Miguel Fernandi, col que falaremos de la retresmisión del primer partíu n'asturianu na hestoria de la televisión ente'l Lealtad de Villaviciosa y el Coruxo de Vigo.

Pa rematar, la nuesa mayestra particular, Ana María Suárez desplicarános los demostrativos amás d'una pallabra n'asturianu na so seición #deprendilasturianu

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.