Esti miércoles 20 a les 12 hores na Sala Conferencies de los Apartamentos Cean Bermúdez, allugada na cai Cean Bermúdez, 6 baxu, va tener llugar la presentación del entamu d’emisiones en MuyMuy TV del magacín “Alderiques d’Asturies”.
Alderiques d'Asturies, el proyectu televisivu del que forma parte Iniciativa pol Asturianu, entama asina les sos emisiones na TDT y per cable, al traviés de la plataforma Telecable. Un pasu más nesti proyectu pa da-y a la sociedá asturiana medios de comunicación n'asturianu.
Na canal 38 de TDT en Gozón, Carreño, Xixón, Villaviciosa y Colunga. En toa Asturies per Telecable. Alderiques d'Asturies TV ñaz col envís de ser la primer canal de TV online n'usar l'asturianu como idioma vehicular, con una programación independiente, dinámica y orientada a tolos públicos, buscando la promoción y difusión de la cultura, les tradiciones, la llingua propia y la realidá social de la comunidá asturiana.
