Iniciativa... nes ondes

Iniciativa pol Asturianu ta faciendo por meyorar la so comunicación y pa ello tien un programa radiofónicu mensual que da anuncia de les actividaes de la organización. El programa llámase Iniciativa pol Asturianu nes ondes y ta dirixíu por Samuel Gradín, llocutor con llargos años d’esperiencia en medios como La Voz de Galicia o la RPA.

A lo llargo de los al rodiu sesenta minutos que dura la emisión, hai tiempu pa conocer les noticies del movimientu de reivindicación llingüística, entrevistes, música y hasta un pequeñu requexu pa deprender asturianu.

El programa emítese nes siguientes emisores per tol territoriu d'Asturies y pa la emigración asturiana en Bruseles: Radio Sele, Radio Parpayuela, Radio Ujo, AllerFM, Radio L.lena, Radio Kras, Radio Noreña, Radio Nava, Radio Alma (Bruseles)... y puede sentise tamién nes canales d'Iniciativa pol Asturianu n'Ivoox y YouTube.

Sienti los programes na nuesa canal d'Ivoox equí.

Consulta horarios nes distintes emisores equí.