Entá nun podemos cuntate tolos detalles del programa, que diremos dando a conocer nes vinientes selmanes, pero yá puedes inscribite nel II Seminariu: Oficialidá, el camín consitucional de futuru pal asturianu “Reflexones y casos d’ésitu”, que va celebrase los vinientes díes vienres 17 de mayu, de 16 a 20:30 hores y sábadu 18 de mayu, de 10 a 14:15 hores nel Edificiu Hestóricu de la Universidá d’Uviéu, con espicha posterior a les 14:30, n’El Ferroviario Chigre-Espicheru.
El II Seminariu, que va inaugurar el Rector de la Universidá d’Uviéu, Santiago García Granda, va cuntar con conferencies y meses redondes dedicaes a la oficialidá dende distintos puntos de vista y va rematar con una semeya colectiva pola oficialidá nel patiu del Edficiu Hestóricu con tolos participantes. Ente los temes que van tocase: l’usu del asturianu nel ámbitu empresarial, la esperiencia de los servicios de normalización llingüística o l’ámbitu sindical, ente otros.
