Un equipu del Voluntariáu d'Iniciativa pol Asturianu participó con un puestu informativu na "Espicha FIG 2012", celebrada esti sábadu 20 d'ochobre, nel Atenéu de Villaviciosa pola Banda de Gaites de Villaviciosa. Nel mesmu informóse a un gran númberu de maliayos al rodiu de l'actividá del nuesu coleutivu.

Nel actu ficiéronse socios nuevos y vendiéronse dellos productos, destancado'l nuevu Mapa de Parroquies d'Asturies, asoleyáu por esta organización con tolos nomes tradicionales de les más de 800 parroquies del país. Esti productu, que se vende a cinco euros y ta asoleyáu en tamañu A2, foi tou un ésitu y decenes de persones fueron pa casa con unu d'ellos.

Los grupos de Voluntariáu d'Iniciativa pol Asturianu trabayen a lo llargo d'Asturies colos puestos informativos de la organización. Tán abiertos a la collaboración de toles persones interesaes en trabayar pol futuru del idioma, que pueden ponese en contactu con nós en contautu@s806295988.mialojamiento.es Amás, si participes na organización de dalgún actu o folixa, puedes ponete en contactu con nós pa que podamos participar del eventu.

Semeyes del actu

Vídeu del actu en Villaviciosa