Televisión Española (TVE) emitió un programa especial pa celebrar la entrada nel nuevu añu 2023. Nesta programación musical nel qu’apaecen diferentes interpretaciones en distintos estilos, solo hubo presencia del castellán; en contraposición cola realidá llingüística del Estáu nel que hai 6 llingües (oficiales o non) que conviven col mesmu (catalán, occitanu aranés, aragonés, euskera, asturianu y gallegu), pero nesi programa solamente tuvo presencia la llingua castellana.
Diferentes organizaciones de reivindicación llingüística consideramos que ye una total falta de consideración per parte de Radiotelevión Española nun tener en cuenta a les diferentes llingües del Estáu nesti programa. Amás, esa presencia monolingüe xenera una minusvaloración de los diferentes artistes y grupos que faen música (nos sos diferentes estilos) nes llingües distintes al castellán.
Esta falta de creaciones musicales nes diferentes llingües del Estáu (oficiales o non) supón un emburrión a la realidá multillingüe y multicultural d’España, qu’amás colisioná cola propia Constitución Española que nel so artículu 3.3 afala la diversidá llingüística (“La riqueza de las distintas modalidades lingüísticas de España es un patrimonio cultural que será objeto de especial respeto y protección).
Reclamamos a RTVE un mayor respetu a la diversidá llingüística y a los y les músiques feches nes diferentes llingües del Estáu. Resulta increíble qu’un ente públicu escuenda de manera deliberada la pluralidá y realidá llingüística d’España.
Les organizaciones que nos axuntamos nesti comunicáu vamos presentar conxuntamente una reclamación a RTVE pa finar con esta discriminación a los nuesos idiomes pa que la televisión pública del Estáu tenga respetu, consideración y sensibilidá pa les llingües del Estáu.
Esti manifiestu cuenta col sofitu d’A Mesa, Acció Cultural Del País Valencià, Associació Cívica Valenciana Tirant lo Blanc, CIEMEN, Escola Valenciana, Iniciativa pol Asturianu, Kontseilua, Nogará y Plataforma per la Llengua.
