Iniciativa pol Asturianu va tener puestu informativu y de venta de productos na Fiesta de la Oficialidá de Bimenes, como na edición anterior. Sedrá'l próximu sábadu, 6 de xunetu, a lo llargo de tola xornada. Con esta presencia Iniciativa pol Asturianu quier siguir dándose a conocer ente los habitantes del conceyu de Bimenes, asina como sofitar una fiesta que pasa per malos momentos económicos.
Bimenes entama un añu más la so Fiesta de la Oficialidá, cumpliendo yá la so XVII edición. Nesta ocasión esta xornada de folixa y reivindicación va entamar con un pregón a cargu de Lluis Portal Hevia, escritor y periodista, qu'a les 12:15 dará pasu a un programa músical, folclóricu y cultural bien diversu, cola yá tradicional Danza de la Oficialidá, y otres actividaes como les actuaciones de grupos folclóricos.
(La semeya ye de la presencia d'Iniciativa pol Asturianu en Bimenes, l'añu pasáu)
