Iniciativa pol Asturianu recupera los grupos informales de conversación n’asturianu en collaboración col Conseyu de la Mocedá de Xixón (CMX). La responsable de la cuenta educativa ‘Cosines de Clas’ va ser la encargada de la dinamización del grupu. La participación ye de baldre.
La cita va repetise quincenalmente los sábados a les diez de la mañana de manera telemática, al traviés de la plataforma Zoom. Pa facilitar el trabayu a la organización y la comunicación, les persones interesaes han rellenar esti formulariu.
La primer sesión va celebrase’l sábadu 25 d’ochobre alternando la sesión. El calendariu d’alcuentros va ser el siguiente:
- 25 d’ochobre
- 8 de payares
- 22 de payares
- 13 d’avientu
- 27 d’avientu
- 10 de xineru
- 24 de xineru
- 7 de febrero
- 21 de febreru: Día Internacional de la Llingua Materna
- 7 de marzu
- 21 de marzu
- 11 d’abril
- 25 d’abril
- 9 de mayu
- 23 de mayu
- 6 de xunu
Iniciativa pol Asturianu agradez fonderamente la predisposición, collaboración y militancia de toles persones que faen posible recuperar esta actividá.
