La organización celebra que l’asturianu tea presente nel menú de navegación de la páxina web pero ensin conteníos
XIXÓN, 28/10/2021. El Conceyu d’Avilés presentó esti xueves la nueva páxina web de la institución. Iniciativa pol Asturianu quier treslladar al equipu de Gobiernu avilesín la norabona por dar un pasu por tener presente l’idioma pero reclama un mayor númberu de conteníos en llingua asturiana.
Nesi sen, la organización valora que l’idioma te presente nel menú de navegación, anque la presencia del asturianu nun puede quedar solo ehí, sinón que tien que tener conteníos y una presencia mayor na nueva páxina web. La páxina web oficial del Conceyu ye una bona manera de da-y presencia, relevancia y normalidá al idioma.
