Iniciativa pol Asturianu recibió yá a confirmación del alcalde de Villaviciosa, Alejandro Vega. La propuesta d'Iniciativa pol Asturianu pasó yá pela comisión de cultura, y el Premio Villaviciosa va tresformase pal añu 2017 en Premiu Xosé Caveda y Nava, dedicándose a obres n'asturianu.
La noticia recoyíala estos díes el diariu El Comercio y la decisión tomada pol Conceyu de Villaviciosa respuende a la petición fecha por Iniciativa pol Asturianu en base a les ordenances de normalización esistentes nesti conceyu asturianu.
Felicitamos al Conceyu de Villaviciosa por esta rectificación que si bien ye una midida pel momentu aisllada, permite visibilizar que la promoción del asturianu nel ámbitu de los conceyos ye una cuestión de voluntá más que de recursos económicos.
