Iniciativa pol Asturianu pon puestu informativu nel X Mercáu Tradicional La Flor de Ḷḷena

Iniciativa pol Asturianu pon puestu informativu y de venta de llibros nel X Mercáu Tradicional La Flor de Ḷḷena esti sábadu 6 y el domingu 7. Nel mesmu la xente interesao podrá informase, garrar materiales y asociase a la organización, amás de mercar llibros a precios de crisis. Animamos a la xente a averase hasta'l Mercáu pa esfrutar de les actividaes, la sidra, la música y l'artesanía asturiana.

Iniciativa pol Asturianu agradez l'espaciu a la Xunta Cultural Trebelgu y aprovecha pa felicitar a la organización d'esti mercáu pol so compromisu pa cola llingua asturiana, que ta presente en tolos ámbitos d'esti Mercáu Tradicional que cumple yá diez años.

Animamos tamién a les persones interesaes en collaborar a pasar pel Mercáu y collaborar na atención a les persones interesaes y el repartu de material nel puestu.