Iniciativa pol Asturianu participa nun alcuentru llingüísticu en Miranda dl Douro

Iniciativa pol Asturianu va participar el viniente 16 d'agostu nel Ancontro Blogueiros de l Praino, na comarca portuguesa de Miranda dl Douro, que comparte llingua con Asturies. Nestos actos participen represenantes d'entidaes de tol dominiu llingüísticu: Faceira de Lleón, Furmientu de Zamora, la entidá asturlleonesa El Teixu y l'Associçón de Lhéngua i Cultura Mirandesa. 

Los actos van entamar a les 9 la mañana cola presentación del pendón del llugar, visita al llugar y llectura de versos en toles variedaes del dominiu llingüísticu.

Darréu de la xinta, celebráse una rolda d'intervenciones que va abrir Amadeu Ferreira, de l'Associaçon de Lhéngua i Cultura Mirandesa. De siguío,  Fernando Álvarez-Balbuena, d'El Teixu va falar "De Llenguas y Fronteiras", "Mirandeses y llioneses: Dous Puebros Vecinos y Hermanos" sedrá la charra de Ricardo Chao, de Faceira.

Pela parte d'Iniciativa pol Asturianu, representada pol so presidente, Inaciu Galán, daráse llectura a la conferencia "¿Qué podemos facer xuntos pola nuesa llingua?", echando'l pieslle a les charres.

Remataráse la xornada con una llectura de versos y unes actividaes festives tradicionales nel pueblu.