UVIÉU 20/09/2012. Iniciativa pol Asturianu vien de convertise en nuevu miembru d’ELEN (European Lesser-Used Languages), una ONG que trabaya pa la promoción, protección y desenvolvimientu de les llingües minoritaries n'Europa. Nesti sen, ELEN funciona como unu de los principales defensores de les llingües a nivel européu, estatal y nacional / rexonal.
ELEN tien una trayeutoria sólida y esitosa nel exerciciu de la presión en favor de les llingües minoritaries na Xunión Europea xuntu con una estensa rede d'organizaciones del ámbetu llingüísticu dende los sos cimientos y na actualidá actúa representando a los falantes de les llingües minoritaries de la UE col mandatu de los comités estatales y ONGs miembros de la yá desaniciada EBLUL (Oficina Europea de Llingües Minoritaries).
Eurolang-ELEN tamién funciona como un serviciu d'información sobre temes rellacionaos coles llingües minoritaries, la diversidá llingüística y les minoríes nacionales n'Europa. Amás, Eurolang-ELEN ufre un serviciu d'información online al traviés d'Europa y pa tol mundu a ONGs, medios de comunicación, gobiernos (a niveles dende la XE al ámbetu llocal), académicos, investigadores y el públicu en xeneral.
D'esta manera, Iniciativa pol Asturianu xúnese a un ambiciosu proyeutu col enfotu de faer que'l conflictu llingüísticu asturianu llegue a tolos niveles n'Europa y por que la voz de tolos falantes d'asturianu sía escuchada nel continente.
