“Esta convocatoria da puxu a la creación lliteraria moza n’asturianu”
“Esti ye l’únicu premiu n’asturianu pa la xente mozo que tien dotación económica”
XIXÓN, 27/05/2020. Iniciativa pol Asturianu celebra el caltenimientu de la convocatoria de los premios CulturAquí, que quedará ensín dotación. Diego Solís, representante d’Iniciativa pol Asturianu, fizo unes declaraciones pa cellebrar en nome de la organización el caltenimientu de la convocatoria.
El representante de la organización comentó que “dende Iniciativa pol Asturianu queremos facer llegar la nuesa felicitación pol fechu de la rectificación na convocatoria de los premios CulturaAquí. Estos premios son una manera de dar visibilidá a les y los escritores mozos n’asturianu”.
L’escritor, que foi ganador de la edición del añu 2018 del premiu, añadió que “esti ye l’únicu premiu n’asturianu pa la xente mozo que tien dotación económica”.
Solís apuntó que “munches vegaes alcontramos convocatories de premios lliterarios onde l’asturianu nun ta presente o nun s’almiten obres en llingua asturiana. Nesti casu ye un premiu afitáu y que da puxu a la creación lliteraria moza n’asturianu”.
