Güei morrió en Llanes Dolores Sánchez «La Galana» (Piñeres de Pría, Llanes, 1937) heredera de la meyor lliteratura popular y decana de les lletres asturianes. La so obra tuvo inspiración n’autores cercanos como Pin de Pría y otres más alloñaes como Rosalía de Castro.
El so papel como escritora popular llevando l’asturianu de pueblu en pueblu, recitando nes fiestes, y llegando a asoleyar dellos llibros con Ediciones Trabe, faen d’ella esponente d’una xeneración d’escritores que caltuvieron viva la llama de la lliteratura asturiana nos tiempos difíciles del franquismu. Dende Iniciativa pol Asturianu queremos acompañar a la so familia nel duelu y facer reconocencia del so llabor pol asturianu.
