La organización trabaya pa dar a conocer les sos propuestes a toles formaciones polítiques de cara al 25-M
XIXÓN, 22/03/2012. Iniciativa pol Asturianu participó nun conceyu con represenantes d’Andecha Astur esti xueves pasáu, 22 de marzu. Esti conceyu encuádrase dientro de la petición fecha pol colectivu a les 22 formaciones polítiques que se presenten a les elecciones autonómiques n'Asturies el proximu 25 de marzu. Amás de con AA, Iniciaitiva pol Asturianu aconceyó con Foru, Izquierda Xunida y Bloque por Asturies-UNA-LV.
Nel conceyu, Iniciativa pol Asturianu, felicitó a los representantes d’Andecha Astur por usar l’asturianu a lo llargo de tola campaña, mesmo na so cartelería que na páxina web y nes intervenciones públiques de los sos llíderes. Esta ye la meyor forma d'amosar el so compromisu col idioma.
Amás, Iniciativa pol Asturianu reconoció la importancia de qu’Andecha Astur lleve nel so programa la reclamación d’oficialidá, a la qu’habríen de sumase toles fuercies polítiques asturianes, pues más del 60% de los ciudadanos apoyen la declaración d’oficialidá.
Iniciativa pol Asturianu ufrió a la formación, tamién nesi conceyu, el so asesoramientu y collaboración en cuestiones llingüístiques.
