El profesoráu tien otra vuelta a la so disposición una axenda n’asturianu adaptada a les sos necesidaes. Iniciativa pol Asturianu ufierta de nuevo l’axenda de Profes n’Apuros tornada al asturianu pal viniente cursu 2021-2022. Esta oferta ye posible gracies a la collaboración desinteresada ente Profes en Apuros y la nuesa organización. La temática de l’axenda pal viniente cursu 2021-2022 ye la diversidá de xéneru ya la igualdá.

Un diariu pensáu pol y pal profesoráu organizáu con espaciu acutáu pa planes, cursos, conceyos y xeres pendientes. Toles secciones tan disponibles na mesma axenda: horarios, contactos, llistes d’asistencia, planificación añal, cumpleaños, evaluaciones y ¡muncho más! L’axenda fai un percorríu mes a mes al traviés de recursos, xuegos y documentales pa desaprender y abordar la diversidá de xéneru ya la igualdá de manera global, ensin etiquetes.

Una axenda pensada pol y pal profesoráu con espaciu pa planes, cursos, conceyos y xeres pendientes

Puede mercase na nuesa oficina nel Hotel d’Asociaciones del Conseyu de Mocedá de Xixón (CMX) (Avda. Manuel Llaneza, 68, baxo, Xixón) de llunes a viernes de 10:00 a 13:00 hores. Tamién puedes pasar a recoyela per Cuatro Gotes Producciones (Cai Emilio Tuya, 51, Xixón) n’horariu d’oficina. Amás, vamos teneles disponibles nel puestu de la Feria de Muestres d’Asturies, que se va celebrar en Xixón del 7 al 22 d’agostu.

L’axenda tien un preciu de 16,00 euros pa les persones asociaes y de 19,00 euros pa los/les que nun seyan socios. Recuerda que pa cualesquier cuestión puedes contactar con Iniciativa pol Asturianu llamando per teléfonu o escribiendo un WhatsApp al teléfonu 675 977 751 o unviando un corréu ellectrónicu a info@iniciativapolasturianu.org.