Mañana martes, 11 d’avientu, Inaciu Galán, presidente d’Iniciativa pol Asturianu, va dar una charra embaxo’l títulu:

“¿Por qué ye necesaria la oficialidá?

Drechos llingüísticos n’Asturies”

Amás, va incluyise la proyección del interesante documental “La vida ensin oficialidá. Les consecuencies de la falta drechos llingüísticos n’Asturies”, fechu pola nuesa organización.

L’actu sedrá de magar les 19:00 hores na Casa de la Mocedá (Paséu de Samartín, 30 – Sotrondio).

La presentación va facela, Lluis A. Iglesias, técnicu de normalización llingüística de SMRA.

Amás, nel propiu actu va entregase de baldre a cada asistente un folletu informativu, editáu por Iniciativa pol Asturianu, con varies razones que xustifiquen la oficialidá de la llingua asturiana.