Cursos d’asturianu

Cursos d'asturianu a distanciaIniciativa pol Asturianu entama añalmente cursos d’asturianu y cursos en xeneral impartíos col asturianu como llingua vehicular. Amás, ufrimos la posibilidá d’organizar cursos y talleres a midida pa otres entidaes y alministraciones. Cuntamos con una plataforma d’enseñu na rede empobinada al alumnáu que sigue los cursos en llinia. Un preséu que permite siguir los cursos dende cualquier llugar del mundu.

Los cursos d’asturianu, organizaos en collaboración cola Academia de la Llingua Asturiana, ufiértense baxo la modalidá a distancia. Hai dos niveles: el nivel I ta empobináu a persones ensin conocimientos d’asturianu, mientres que’l nivel II ta dirixíu a persones con una conocencia más fonda del idioma que yá ficieren dalgún cursu enantes.

¡Matrícula abierta! Inscríbite calcando equí

La convocatoria de los cursos d’asturianu online ábrese tres veces al añu, nos periodos seronda, iviernu y primavera. Los cursos tienen una duración de 36 hores llectives y una duración aprosimao de tres meses. El preciu de la inscripción ye de 60 euros y inclúi tolos materiales necesarios pa llevar alantre’l cursu. Los socios d’Iniciativa pol Asturianu benefíciense d’un descuentu de 10 euros nel preciu del cursu. Si tovía nun formes parte d’Iniciativa pol Asturianu, pues asociate al traviés d’esti formulariu.

Calendariu de los próximos cursos d’asturianu:

Iviernu
Matrícula: del 8 al 21 de xineru
Cursu: del 22 de xineru al 5 d’abril (11 selmanes)

Primavera
Matrícula: del 15 d’abril al 28 d’abril
Cursu: del 29 d’abril al 12 de xunetu (11 selmanes)

Seronda
Matrícula: del 16 al 29 de setiembre
Cursu: del 30 de setiembre al 13 d’avientu (11 selmanes)

Pa más información sobre la nuestra ufierta de cursos d’asturianu presenciales y a distincia, pues contactar con nós per corréu lletrónicu y nel teléfonu 675 977 751.