Entamu Iniciativa... nes Ondes

Iniciativa... nes Ondes

Iniciativa pol Asturianu ta faciendo por meyorar la so comunicación y pa ello tien un programa radiofónicu mensual que da anuncia de les actividaes de la organización. El programa llámase Iniciativa pol Asturianu nes ondes y ta dirixíu por Samuel Gradín, llocutor con llargos años d’esperiencia en medios como La Voz de Galicia o la RPA.

Un nuevu programa d'Iniciativa pol Asturianu nes ondes llegar cola presentación del trabayu d’investigación sobre les opiniones de los equipos direutivos de los Centros Públicos d'Educación Primaria d'Asturies al rodiu del «Valir cultural y educativu de la escolarización de la llingua asturiana», ellaboráu pola profesora del departamentu de Ciencies de la Educación de la Universidá d’Uviéu, Isabel Hevia Artime.
Iniciativa pol Asturianu, en collaboración colos medios InfoAsturies y Conocer Asturias estrenen esti martes el primer programa de televisión "Alderiques d'Asturies" nel que nesta ocasión va falase de la situación del asturianu na rede con cuatro convidaos, Vítor Suárez, vicepresidente d'Iniciativa pol Asturianu, Fernando de la Fuente Trabanco, direutor d'Asturies.com, Mikel González, de la organización SoftAstur de software llibre n'asturianu, y Toño Martínez d'InfoAsturies.net
Nel programa d'esta selmana d'Iniciativa pol Asturianu nes ondes, Samuel Gradín fala con Vérval, del grupu Xera, que va celebrar un conciertu nel Teatru Campoamor d'Uviéu y col presidente de la organización Inaciu Galán, de cuestiones varies d'actualidá.
Entamamos el nuesu programa "Iniciativa pol Asturianu nes ondes" d'esta selmana cola editorial del presidente d'Iniciativa pol Asturianu, Inaciu Galán, onde fala del despreciu, una vegada más, de los cimeros responsables de la RAE al nun camudar la definición del nuesu idioma nesti perimportanmte diccionariu por nidios perxuicios de calter políticu.
Un nuevu programa d'Iniciativa pol Asturianu nes ondes ta colgáu na rede y pue sentise nes más d'una docena d'emisores que radien el programa en toa Asturies. Entamamos falando con Inaciu Galán, escoyíu nel so segundu y últimu mandatu como Presidente de l'asociación Iniciativa pol Asturianu ñacida nel mes d’ochobre de 2011 y que dende entós vien poniendo la so voz na reivindación llingüística, denunciando casos de discriminación y llevando a cabu avances al traviés de la reivindicación, la negociación y la collaboración con otres entidaes públiques y privaes.
Iniciativa pol Asturianu, en collaboración colos medios InfoAsturies y Conocer Asturias estrenó esti martes 7 de xineru'l primer programa de televisión "Alderiques d'Asturies" nel que cuatro convidaos falaron de la situación del asturianu na rede de redes. "Alderiques d'Asturies" ye un nuevu programa de televisión que ñaz col envís de poner enriba la mesa un asuntu del que charraremos fonderamente con diferentes convidaos, col oxetivu sentir estremaes opiniones al rodiu'l mesmu y buscando da-y una mayor presencia al asturianu nel ámbitu de la televisión.
Nel programa d'esti mes de Setiembre entamamos falando col biólogu Xurde Menéndez que cola so tesis al rodiu los RNA algamó sobresaliente cum laude amás de facer usu de trés llingües nel so trabayu: l'inglés, el castellán y l'asturianu;...
Nesta nueva edición d'Iniciativa pol Asturianu nes ondes el convidáu ye Paco Granda, periodista percélebre dende cuantayá pol so apueste pol usu del asturianu nos medios de comunicación. Anguaño presenta en TeleAsturias el programa d'alderique deportivu "Asturies ye fútbol" y falamos con él de periodismu n'asturianu nesti programa.
Prestaríanos celebrar nesti xineru de 2015 un añu d’emisiones 100% n’asturianu na radiotelevisión pública. Pero magar los pasinos daos esti añu con unes mínimes esperiencies col doblaxe y la programación infantil, ente otros conteníos, la RTPA sigue siendo un mediu de comunicación estrañu, fuera de lo común nun territoriu con llingua propia. Gallegos, vascos, catalanes, baleares… toos tienen una televisión cola so llingua propia como llingua principal de la mesma.
La Universidá Asturiana de Branu (UABRA) llega un añu más a Cangas del Narcea de la mano de l'Academia de la Llingua Asturiana, la Universidá d’Uviéu y el Conceyu de Cangas. Dientro d’estos cursos, Iniciativa pol Asturianu organiza un añu más delles actividaes. A lo llargo d'estos díes la organización va poner un puestu informativu con venta de llibros y otros productos nes instalaciones de la Universidá. Amás, van celebrase delles folixes, una col segundu concursu de karaoke n'asturianu, y otra con Dj Lluis y el micro abiertu a la participación d'escritores. Estos díes va facese amás la grabación con públicu del programa Iniciativa pol Asturianu nes ondes, cola participación d'alumnos y profesores.

Últimes noticies