Quién somos
Somos una asociación que trabaya pola normalización del idioma asturianu y pol reconocimientu de los drechos llingüísticos de los sos falantes. Atalantamos que l’asturianu ha ser vertebrador de la sociedá asturiana y que’l so usu ha ser treversal, afalando a les instituciones, organismos privaos y sociedá civil a tomar les midíes necesaries pa la so normalización como ferramienta de comunicación, elementu identitariu y patrimoniu cultural y económicu de la sociedá asturiana que ye.
L’ámbitu de trabayu de la organización ye l’actual territoriu de la comunidá autónoma d’Asturies, anque al traviés de la collaboración con otres organizaciones del dominiu llingüísticu asturlleonés, trabayaremos a comuña polos oxetivos yá citaos, y qu’atalantamos han llograse en tol territoriu onde l’asturianu o asturlleonés ye llingua propia.
Iniciativa pol Asturianu ye un colectivu abiertu a toles persones esmolecíes pola situación del asturianu y comprometíes con cambiar esta situación.
Xunta Direutiva actual
Presidente: Inaciu Galán (Xixón, 1986)
Vicepresidente: Vítor Suárez (Uviéu, 1988)
Secretariu: Rubén Martín-Llames (Xixón, 1976)
Ayalgueru: Esteban Prado Tuñón (Mieres, 1954)
Vocal de Rellaciones Internacionales: Xosé B. Álvarez (Uviéu, 1986)
Vocal d’Enseñu: María Díaz Suárez (Mieres, 1984)
Vocal de Voluntariáu: Xurde García Cilleros (Uviéu, 1975); vice-vocal: Sabel Tuñón Ces (Xixón, 1963)
Vocal d'Imaxe y Audivisuales: Alex Ordiales (Llangréu, 1986)
Vocal de Dominiu Llingüísticu: Denis Soria Fernández (Xixón, 1989)
