• L’editorial de setiembre: La visibilidá del conflictu llingüísticu n’Asturies

    Espublizao 29/09/15

    Nos años ochenta y primeros noventa, aquellos que queríen atacar al asturianu negaben la so esistencia. El trabayu contináu del que ye’l movimientu social más importante del periodu democráticu n’Asturies, el movimientu de reivindicación llingüística, consiguió que güei, nin siquiera los máximos enemigos de que la llingua asturiana tenga futuru, puedan negar la so esistencia ensin cayer nel ridículu. La sociedá asumió con normalidá la so propia realidá llingüística de forma mayoritaria. La ciencia ganó sobre los prexuicios llingüísticos y l’argumentariu falsu creáu polos enemigos de la diversidá llingüística.

  • Iniciativa pol Asturianu pon en marcha un ambiciosu programa de formación con cursos per toa Asturies

    Espublizao 22/09/15

    Iniciativa pol Asturianu lleva organizando cursos d'asturianu dende la fundación de la organización. Los cursos en Xixón y n'Uviéu son habituales, asina como los cursos a distancia. Agora, y na esmolición por llegar al máximu númberu de persones interesaes por deprender asturianu, la organización fai un esfuerciu organizativu y de recuersos pa poner en marcha clases d'asturianu en 15 cursos en conceyos d'Asturies.

  • Iniciativa pol Asturianu denuncia que sigue la discriminación a alumnos que traten d’escoyer l’asignatura de Llingua Asturiana

    Espublizao 21/09/15

    Una madre pidió ayuda a Iniciativa pol Asturianu pa denunciar la situación que tán viviendo la so fía y otres alumnes d'un grupu de la ESO nel Institutu Emilio Alarcos de Xixón. Dempués de matriculase na asignatura nos plazos establecíos, el centru esplicó a les alumnes que nun había matriculaos abondo pa facer un grupu de l'asignatura de Llingua Asturiana, cuando la llexislación, una sentencia del TSXA y el mandatu de la Conseyería d'Educación pa esti cursu, especifiquen que la petición de cursar l'asignatura de Llingua Asturiana de namás un alumnu tien que se tresformar automáticamente na puesta en marcha de l'asignatura nesi cursu.

  • El premiu de Tertulia Malory al meyor llibru n'asturianu de 2014 n'Iniciativa pol Asturianu nes ondes

    Espublizao 21/09/15

    Esta selmana n'Iniciativa pol Asturianu nes ondes Chechu García, ún de los cabezaleros de la Tertulia Malory, de L'Entregu, qu'escoyó como meyor llibru n'asturianu de tolos editaos nel 2014 el conxuntu de cuentos "Más espeso que l’agua", de la escritora ayerana Consuelo Vega.

  • Iniciativa pol Asturianu califica de “grave discriminación llingüística” que l’Estáu obligue a una cooperativa asturiana a presentar los sos escritos llegales en castellán

    Espublizao 19/09/15

    Iniciativa pol Asturianu quier denunciar el casu que la Cooperativa El Nocéu-y facía llegar estos díes alredor d’una situación de discriminación llingüística que sufrieron énte la Tesorería Xeneral de la Seguridá Social na que nun fueron almitíos los sos estatutos por tar redactaos n’asturianu, obligándolos a presentalos en castellán.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.