• L’editorial de xunu: carta a los conceyales, alcaldes y diputaos asturianos

    Espublizao 22/06/15

    Estos díes atrás dellos de vosotros y vosotres, alcaldes y alcaldeses, conceyales, diputaos y diputaes asturianos, xurastis el cargu qu’entamáis a exercer agora. N’alredor de 24 conceyos, decenes de conceyales y dos alcaldes, amás de dellos diputaos, ficístislo n’asturianu o en gallego-asturianu, ensin importar el partíu o’l posicionamientu ideolóxicu, usando l’asturianu como lo que ye, el patrimoniu cultural ya identitariu de tolos asturianos y asturianes.

  • Una delegación d’Iniciativa pol Asturianu viaxa a Xinebra pa esponer los problemes del asturianu énte l’Altu Comisionáu de los Drechos Humanos de les Naciones Xuníes

    Espublizao 22/06/15

    Esta visita surde frutu del trabayu entamáu nel ámbitu internacional por esta organización y pola pertenencia de la mesma, como representante d’Asturies, a la entidá internacional European Language Equality Network (ELEN) formada por organizaciones en defensa de llingües en peligru de toa Europa.

  • Inaciu Galán fala del II Congresu d'Iniciativa pol Asturianu y los planes de futuru de la organización

    Espublizao 21/06/15

    Un nuevu programa d'Iniciativa pol Asturianu nes ondes ta colgáu na rede y pue sentise nes más d'una docena d'emisores que radien el programa en toa Asturies. Entamamos falando con Inaciu Galán, escoyíu nel so segundu y últimu mandatu como Presidente de l'asociación Iniciativa pol Asturianu ñacida nel mes d’ochobre de 2011 y que dende entós vien poniendo la so voz na reivindación llingüística, denunciando casos de discriminación y llevando a cabu avances al traviés de la reivindicación, la negociación y la collaboración con otres entidaes públiques y privaes.

  • Iniciativa pol Asturianu nes ondes emite un programa con nuevos conteníos y estrenu de sección

    Espublizao 21/06/15

    Un nuevu programa d'Iniciativa pol Asturianu nes onde ta disponible. Entamamos contautando al traviés de la llinia telefónica con Isabel Hevia que ye la encargada d'empobinar un cursu dientro de la UABRA (Universidá Asturiana de Branu) onde se va falar de xestión cultural.

  • Alcaldes y diputaos tamién entamen el so mandatu n'asturianu

    Espublizao 17/06/15

    Estos díes felicitábemos a los y les conceyales que xuraron o prometieron el so cargu n'asturianu en más de 24 conceyos d'Asturies. Agora felicitamos tamién al nuevu alcalde de Bimenes, Aitor García Corte (Partíu Asturianista) y l'alcaldesa de Peñamellera Alta, Rosa Domínguez de Posada (Foro) tomaron posesión del so cargu n'asturianu. Ye un xestu que celebramos pero qu'esperamos que venga acompañáu de la toma de les midíes necesaries pa normalizar l'usu del asturianu nel ámbitu de los sos Conceyos.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.