• Les noticies del mes de setiembre atropaes nel nuesu boletín informativu dixital #34

    Espublizao 30/09/14

    Les noticies del mes de setiembre lleguen al to corréu como ye vezu nel nuesu boletín informativu dixital, que llega esti mes al númberu 34.

  • El plenu d'Uviéu vota güei pa confirmar la propuesta pal usu del asturianu nos autobuses aprobada en Comisión

    Espublizao 29/09/14

    El plenu d'Uviéu vota güei, llunes 29 de setiembre,pa confirmar la propuesta pal usu del asturianu nos autobuses aprobada en Comisión d'Economía. Iniciativa pol Asturianu presentó va un mes una quexa al Conceyu d’Uviéu pola falta d’usu del asturianu nel sistema de tresporte públicu de viaxeros d’Uviéu (TUA) La quexa púnxose en conocimientu de les fuercies polítiques presentes nel plenu, ya Izquierda Xunida convirtió esta quexa nuna moción.

  • El plenu d'Uviéu diz SÍ a la presencia del asturianu nos autobuses de la capital asturiana

    Espublizao 29/09/14

    El plenu del Conceyu d'Uviéu recibió güei la propuesta que yá se llevare a la Comisión d'Economía ya Infraestructures. La moción, presentada por Izquierda Xunida, cuntó colos votos a favor de PP y PSOE y l’abstención de Foro, amás del votu a en contra del conceyal non adscritu Pedro Manuel Fernández Ruiz, que fizo un discursu contrariu a la normalización del asturianu llegando a dicir qu'esta iniciativa "no hará más que complicar la vida a los ciudadanos", frente a un consensu xeneral a favor de la llingua, que supunxo 21 votos a favor, 4 abstenciones y namás 1 votu en contra.

  • Últimos díes pa matriculase nos V Cursos d'Asturianu (a distancia o presenciales en Xixón)

    Espublizao 26/09/14

    Entá queden places pa matriculase a distancia o en presencial nos cursos d'Iniciativa pol Asturianu. La quinta edición de los Cursos d’Asturianu en Xixón, una esperiencia formativa qu’entama en collaboración cola Academia de la Llingua Asturiana y el Conseyu de Mocedá de Xixón, lleva un bon ritmu de matriculaciones y tien abiertu'l plazu hasta los primeros díes d'ochobre.

  • L'autor de la torna a la llingua asturiana d'El Hobbit n'Iniciativa pol Asturianu nes ondes

    Espublizao 26/09/14

    El convidáu d'esta selmana n'Iniciativa pol Asturianu nes ondes ye Miguel Gallego, responsable de la torna d'El Hobbit al asturianu. La espublización pa final d'añu del célebre llibru del xéneru mitolóxicu “El Hobbit” del escritor anglosaxón Tolkien, qu’escribió tamién el célebre "El Señor de los Aniellos", paez que va convertise nun fenómenu esta Navidá.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.