• Iniciativa pol Asturianu celebra un concursu "Pasopallabra" colos alumnos de la UABRA

    Espublizao 29/07/14

    Iniciativa pol Asturianu va celebrar esti xueves 31 de xunetu un concursu "Pasopallabra" colos alumnos de la UABRA. Basáu nel esitosu programa de televisión, el concursu va facese a partir de les 22:30 na Disco Zaycor, en Cangas del Narcea y bien cerca de les instalaciones de la Universidá Asturiana de Branu (UABRA), de l'Academia de la Llingua Asturiana, onde estos díes Iniciativa pol Asturianu tien amás instaláu un puestu informativu y de venta de productos.

  • Iniciativa pol Asturianu llamenta la muerte del profesor, escritor y artesanu Felipe Prieto

    Espublizao 29/07/14

    Iniciativa pol Asturianu llamenta no más fondero la noticia sobre la muerte de Felipe Prieto (Zamora, 1941-Uviéu, 2014), escritor n'asturianu con una obra curtia asoleyada pero d'abonda calidá. Prieto yera amás miembru de l'Academia de la Llingua Asturiana dende los sos entamos.

  • El Quixote en llingua asturiana n'Iniciativa pol Asturianu nes ondes

    Espublizao 28/07/14

    Iniciativa pol Asturianu nes ondes emite un nuevu programa. El convidáu nesta ocasión ye Pablo Suárez, doctor en Filoloxía pola Universidá d'Uviéu, que fixo'l descomanáu llabor de tornar al asturianu la obra cimera de Cervantes "El Quixote".

  • Convocatoria de Xunta Direutiva pal miércoles 30 de xunetu en Xixón

    Espublizao 28/07/14

    Esti miércoles, 30 de xunetu a les 19:30 hores, va entamar na Sociedá Cultural Xixonesa, allugada nel 4 de la cai Balmonte Miranda, de Xixón. Como ye vezu y compromisu de la Direutiva, los aconceyamientos tán abiertos a l'asistencia y participación de tolos asociaos.

  • Yá ta disponible'l boletín dixital de noticies del mes de xunetu

    Espublizao 28/07/14

    Como ye vezu cada mes, Iniciativa pol Asturianu informa a asociaos y simpatizantes de la entidá de l'actualidá de la llingua asturiana y de l'actividá de la nuesa entidá al traviés del Boletín Informativu dixital que s'apurre al traviés de corréu lletrónicu a miles de persones.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.