• Iniciativa pol Asturianu nes ondes fala de la presencia del idioma en Facebook

    Espublizao 29/11/14

    La última edición del programa Iniciativa pol Asturianu nes ondes dedícase a falar fonderamente con Fernán Morán, unu de los entamadores del grupu abiertu "Llingua Asturiana", en Facebook.

  • L’editorial de payares: 40 años de Conceyu Bable

    Espublizao 29/11/14

    Esti mes de payares cumpliéronse cuarenta años del entamu del movimientu de reivindiación llingüística modernu. El ñacimientu de Conceyu Bable en 1974 supunxo un cambiu importante na forma d’entender lo que ye la llingua asturiana, pasando de ser un elementu cásique namás folclóricu, a ser una seña d’identidá, una ferramienta pa espresase en tolos ámbitos de la vida, una llingua más y al mesmu tiempu la nuesa llingua, l’elementu más importante del nuesu patrimoniu cultural inmanterial.

  • Rafael R. Valdés: "Nesti Taller d'Hestoria d'Asturies trátase de cuntar lo de nueso na nuesa llingua"

    Espublizao 27/11/14

    Nuevu programa d'Iniciativa pol Asturianu nes ones. Nesta ocasión, Samuel Gradín entrevista a los responsables d'un cursu d'hestoria d'Asturies que se fai en Corvera a lo llargo d'estes selmanes. Esti taller va ser impartíu pol téunicu responsable del Serviciu de Normalización Llingüística de Corvera, Rafael Rodríguez Valdés, que ye Llicenciáu n'Hestoria pola Universidá d'Uviéu y Postgráu n'Archivística pola UNED. Con él falemos nel nuesu programa.

  • Iniciativa pol Asturianu felicita a les fuercies polítiques asturianes y llamenta la decisión del PP de votar en contra del reconocimentu del profesoráu d’asturianu

    Espublizao 21/11/14

    Dende Iniciativa pol Asturianu queremos felicitar a Izquierda Xunida pola so propuesta votada güei na Xunta Xeneral col envís de que se reconoza la especialidá docente de Llingua Asturiana, decisión que ta pendiente de l'aprobación del Ministeriu d'Educación y que yá cuntó col sofitu de toles fuercies n'otres ocasiones y apocayá, cola petición esplícita del Conseyu Escolar Estatal.

  • Iniciativa pol Asturianu ta acabante amosar la so solidaridá a dos asociaciones en defensa d'idiomes minorizaos n'Europa

    Espublizao 17/11/14

    Hai unos díes conocíase en País de Gales la política llingüística de la marca de supermercaos Lidl, que prohibía a los sos emplegaos facer usu del galés con otros trabayadores, incluyendo los descansos, y colos clientes, a nun ser qu'estos nun pudieren falar inglés, daqué que va a la escontra de la llegalidá vixente nel país británicu. L'asociación "Cymdeithas yr Iaith Gymraeg" foi la responsable de denunciar esta situación, algamando una rápida rempuesta de la cadena alemana, que dixo que revisaría les sos polítiques.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.