• Iniciativa pol Asturianu organiza delles actividaes y pon puestu informativu na UABRA

    Espublizao 30/07/13

    La Universidá Asturiana de Branu (UABRA) llega un añu más a Cangas del Narcea de la mano de l'Academia de la Llingua Asturiana, la Universidá d’Uviéu y el Conceyu de Cangas. Dientro d’estos cursos, Iniciativa pol Asturianu organiza un añu más delles actividaes. A lo llargo d'estos díes la organización va poner un puestu informativu con venta de llibros y otros productos nes instalaciones de la Universidá. Amás, van celebrase delles folixes, una col segundu concursu de karaoke n'asturianu, y otra con Dj Lluis y el micro abiertu a la participación d'escritores. Estos díes va facese amás la grabación con públicu del programa Iniciativa pol Asturianu nes ondes, cola participación d'alumnos y profesores.

  • Les noticies d'Iniciativa pol Asturianu nel boletín informativu de xunetu

    Espublizao 30/07/13

    Yá pue consultase una edición más del boletín informativu dixital d'Iniciativa pol Asturianu. Correspuende al mes de xunetu y fai'l númberu 21.

  • Iniciativa pol Asturianu felicita a Les Camisetes por crear el primer cartelu n’asturianu pal Descensu del Seya en 77 años

    Espublizao 24/07/13

    La empresa asturiana Les Camisetes ta acabante asoleyar un cartelu pal Descensu Internacional del Seya n’asturianu. Dempués de ganar el concursu popular pal diseñu del cartelu, que de forma obligada tenía de dir en castellán, la empresa tomó la iniciativa y asoleyó tamién una versión n’asturianu del mesmu, corriendo colos gastos d’impresión. Iniciativa pol Asturianu felicita a la empresa pol so compromisu llingüísticu, pol que tamién ta venceyada a la campaña d’esta organización “La empresa asturiana muévese” y anima a la organización del Descensu a usar l’asturianu nos cartelos de les vinientes ediciones, implicándose más, yá que nesta ocasión autorizó la so realización, pero usen davezu la versión en castellán.

  • El grupu Taranus nel programa de radio d'Iniciativa pol Asturianu

    Espublizao 24/07/13

    Un nuevu programa d'Iniciativa pol Asturianu nes Ondes que va emitise na selmana del 22 al 28 de xunetu en radios per toa Asturies, pue sentise yá na rede, al traviés de la canal de la organización n'Ivoox.

  • Nuevos socios na presentación d'Iniciativa pol Asturianu en Madrid

    Espublizao 17/07/13

    El Centru Asturianu de Madrid foi l'espaciu escoyíu esti mes de xunetu pa la presentación de la organización a los asturianos residentes nesta ciudá. La Secretaria del Centru Asturianu, Pilar Riesco, presidió l'actu, nel que tamién se presentó la revista Formientu, y que cuntó cola participación de Xosé Bolado, escritor y miembru de l'Academia de la Llingua Asturiana, y d'Inaciu Galán, presidente d'Iniciativa pol Asturianu.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.