• Celébrase un homenaxe a Pachín de Melás nel so 75 cabudañu

    Espublizao 30/03/13

    Les organizaciones Iniciativa pol Asturianu y Ástura entamen un actu d'alcordanza a la memoria d'Emilio Robles Muñiz, conocíu pol nomatu de Pachín de Melás, unu de los autores en llingua asturiana más populares del sieglu XX. Esti mes pasáu cumpliéronse 75 años de la so muerte na cárcele d'El Coto en Xixón y dende Iniciativa pol Asturianu vese más necesario que nunca reconocer la so figura "yá que les entidaes públiques nun faen un res pola so memoria nestos díes". La última fía viva de Pachín y otros familiares confirmaron yá la so presencia nel actu.

  • Yá puedes lleer el boletín informativu dixital de marzu d'Iniciativa pol Asturianu

    Espublizao 30/03/13

    Yá ta disponible'l boletín informativu dixital del mes de marzu con toles noticies del mes últimu Sí tovía nun te llega al corréu lletrónicu, puedes apuntate con namás introducir el to corréu nel estoyu al final d'esta páxina.

  • Un audiovisual percuerre l'actividá del primer añu d'Iniciativa pol Asturianu

    Espublizao 21/03/13

    Nesti audiovisual "Iniciativa pol asturianu: un añu de trabayu (2012-2013) faise un percorríu pela actividá d'Iniciativa pol Asturianu a lo llargo del periodu 2012-2013, primeru de xestión de la Xunta Direutiva. Quier ser un resume del Informe de Xestión presentáu, mesmo que'l propiu videu, na Xunta Xeneral 2013 de la organización, que se celebró'l 23 de febreru nel Auditoriu d'Uviéu.

  • Editorial de marzu: Esta nun ye la RTPA que queremos

    Espublizao 18/03/13

    Cuando cuasi naide apostaba por una radiotelevisión pública asturiana, el movimientu de reivindicación llingüística yá reclamaba la so esistencia, como importantísima ferramienta de normalización del asturianu. Dempués, aquellos que nun la queríen, sumáronse, y fundóse la Radiotelevisión del Principáu d'Asturies. El restu de la hestoria yá la conocen. Una radio y una televisión na que l'asturianu tien una presencia marxinal, menos d'un 4% nos primeros cuatro años. Esto ye, la televisión asturiana emitió más hores d'autopublicidá que de programación n'asturianu.

  • Iniciativa pol Asturianu algamó dellos compromisos dende Delegación de Gobiernu

    Espublizao 17/03/13

    Dende Iniciativa pol Asturianu venimos d'aconceyar el vienres pasáu col xefe de Gabinete de la Delegación de Gobiernu n’Asturies, Alberto Mortera quien atendió per dos hores a los representantes de la nuestra asociación: Inaciu Galán y Vítor Suárez. Mortera comprometióse con esti coleutivu n’asuntos de toponimia, educación y presupuestos estatales.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.